ඔබ යට ඇඳුම් පිටින් නින්දට නොයා යුත්තේ ඇයි?

පේ රටේ සමහරු විශේෂයෙන්ම කාන්තා පාර්ශවය අතර තිබෙන පුරුද්දක් තමයි රාත්‍රියේ යනවිට යට ඇඳුම් පිටින්ම නින්දට යාම. ඇයි මේ පුරුද්ද නරකයි කියල කියන්නේ? මේ ලිපිය ලියැවෙන්නේ ඒ පිළිබඳවයි.

---

වෛද්‍යවරුන් පවසන ආකාරයට නිරුවතින් නින්දට යාම තමයි වඩාත්ම සෞඛ්‍ය සම්පන්න ක්‍රමය වන්නේ. එහෙත් ශ්‍රී ලංකාවේ අපිට පවතින සමාජ තත්වය, නිවසේ පරිසරය ආදී බාහිර සාධක මත එසේ නින්දට යාම එතරම් ප්‍රායෝගිකව කළ හැකි දෙයක් නෙවෙයි. අලීසා ඩ්වෙක් නම් වෛද්‍යවරියක විසින් මෑතකදී පල කර ඇති පත්‍රිකාවකට අනුව යට ඇඳුම් ඇඳගෙන නිදා ගැනීම නිසා පහත ආකාරයේ සනීපාරක්ෂක ගැටළුවලට මුහුණ දීමේ අවදානමක් කාන්තාවන්ට තිබෙනවා. විශේෂයෙන්ම පවතින දැඩි උණුසුම් කාලගුණික තත්වයන් යටතේදී.

• අධික ලෙස දහදිය දැමීම සහ දහදිය රැඳීම නිසා රහස් ප්‍රදේශයේ බැක්ටීරියා ආසාදන ඇති වීම.
• කැසීම
• බිබිලි හට ගැනීම
• රහස් ප්‍රදේශයේ ඇතිවන අපහසුදායක තත්වය.

ඔසප්වීම නැවතී ඇති කාන්තාවන් මුහුණ දෙන තත්වයක් වන රහස් ප්‍රදේශයේ නිතර නිතර යෝනි ශ්‍රාවයන් පිටවීම නිසා ඇතිවන තෙත් සහිත ස්වභාවය රාත්‍රියේ යට ඇඳුම් ඇඳගෙන නින්දට යාම නිසා උණුසුම් සහ ඉතාම පීඩාකාරී එකක් බවට පත්වනවා.

යට ඇඳුම් පිටින් නිදට යන පුරුෂයන් මද සරු භාවයටත් පත්විය හැකි බවයි පැවසෙන්නේ. ඒ රහස් ප්‍රදේශයේ උෂ්ණත්වය අධික ලෙස රැඳීම නිසායි. එය ශුක්‍රාණු නිපදවීමේ ක්‍රියාවලියට කිසිසේත්ම හිතකර නැහැ.

ඒ නිසා නින්දට යාමේදී විශේෂ අවස්තාවකදී හැරෙන්නට හැකි සෑම විටම යට ඇඳුම් ඇඳීමෙන් වැළකී සැහැල්ලු උඩු ඇඳුමක් ඇඳීම තමයි ඔබ කළ යුත්තේ. සුව නින්දක් මෙන්ම ඔබේ ශරීර සෞඛ්‍යයටත් එය හිතකරයි.

ඒ වගේම කාන්තාවන් නින්දෙන් අවදි වූ පසු රහස් පෙදෙස අවට ප්‍රදේශය සහ යෝනි තොල් සෝදා ගැනීමත් කළ හැකියි. අවශ්‍ය නම් ඒ සඳහා සුවඳ රහිත සබන් ද යොදා ගන්නට පුළුවන්. මෙසේ සබන් යොදාගැනීමේදී ඔබේ සමේ ස්වභාවය පිලිබඳ සැලකිලිමත් වීම වැදගත් කියායි වෛද්‍යවරුන් පවසන්නේ.